खनियाबास गाउँपालिकामा विद्यार्थीहरुलाई पाठ्य सामग्री वितरण

धादिङ ७ माघ

धादिङको खनियाबास गाउँपालिकामा विद्यार्थीहरुलाई पाठ्य सामग्री वितरण गरिएको छ ।

आईतबार विद्यालय व्यवस्थापन समितिका अध्यक्ष प्रमिला थापा मगरको अध्यक्षतामा एक कार्यक्रमको आयोजना गरि वडा नम्बर ४ मा रहेको रुद्रादेवी आधारभुत विद्यालयमा अध्यनरत ३५ जना विद्यार्थीहरुलाई पाठ्य सामग्री, लत्ताकपडा र विद्यालयका लागि आवश्यक सामग्रीहरु वितरण गरिएको वडा अध्यक्ष लिलामान तामाङले जानकारी दिनुभयो ।

गाउँपालिकाको अध्यक्ष रण बहादुर तामाङ ,वडा अध्यक्ष लिलामान तामाङ, कार्यपालिका सदस्य जेम्स अनारस (दिपक परियार ) र सामाजिक अभियन्ता मञ्जु तामाङ र अन्य जनप्रतिनिधीहरुको उपस्थितिमा उक्त कार्यक्रम सम्पन्न भएको थियो ।