माघे संक्रान्तिको अवसरमा धुँवाकोटमा रक्तदान कार्यक्रम सम्पन्न,५१ जनाले गराए रक्तदान

धादिङ १ माघ

माघे संक्रान्ति सांस्कृतिक तथा कृषि महोत्सवको अवसरमा नीलकण्ठ नगरपालिका वडा नं १४, धुँवाकोटमा रक्तदान कार्यक्रम सम्पन्न भएको छ ।

नेपाल रेडक्रस सोसाइटी धुँवाकोट उप–शाखा को आयोजनामा माघ १ गते सोमबार रक्तदान कार्यक्रममा महिला ९ जना र पुरुष ४२ जना गरि जम्मा ५१ जनाले रक्तदान गरेको छ ।

रक्तदान कार्यक्रममा प्रगतिशील महिला बचत तथा ऋण सहकारी संस्था लि, धुँवाकोटमा स्वास्थ्य चौकी–२, नीलकण्ठ नगरपालिका वडा नं १४ कार्यलय, संस्कृति संरक्षण एंव पर्यटन प्रवर्धन समिति, विद्यार्थी उपकार संघ, भंगेरी युवा क्लब, कुपा युवा समाज, जनआवाज युवा क्लब को सह– आयोजक रहेको थियो भने लायन्स क्लब अफ काठमाडौ बल्ड सर्कलको सहकार्य रहेको थियो । बिहान ८ बजेदेखि दिउँसो ४ बजेसम्म भएको रक्तदान कार्यक्रममा नेपाल रेडक्रस सोसाइटी रक्त संचार सेवा केन्द्र धादिङको प्राविधि सहयोग रहेको नेपाल रेडक्रस सोसाइटी धुवाकोट उप–शाखा सभापति सुमन अधिकारीले बताउनुभयो ।