सुनगाभा एकेडेमीमा सांस्कृतिक पद्र्रशनी कार्यक्रम सम्पन्न

धादिङ २२ कार्तिक
संस्थागत विद्यालयहरुमा धादिङकै पाको विद्यालय सुनगाभा एकेडेमी धादिङले विद्यालयमा विभिन्न् अतिरिक्त कृयाकलाप सञ्चालन गर्ने क्रममा शुक्रबार कल्चर डे सेलिब्रेसन कार्यक्रम सम्पन्न गरेको छ । विद्यालयको वार्षिक क्यालेन्डर अनुसार अतिरिक्त कृयाकलाप अन्तरगतको सांस्कृतिक प्रर्दशनी कार्यक्रम सम्पन्न गरेको हो । कार्यक्रममा विद्यार्थीहरुले आफ्नो संस्कृति र पहिचान झल्कने भेष भुषा सहितको प्रस्तुतिका साथै प्रर्दशनी गरेका थिए । नेवारी समुदायका विद्यार्थीहरुले नेवारी भेष र भाषा , तामाङ समुदायका विद्यार्थीहरुले तामाङ भेष र भाषा तथा बाह्रमण समुदायका विद्यार्थीहरुले आफ्नै भेष र भाषामा विभिन्न प्रस्तुतीहरु समेत प्रस्तुत गरेको विद्यालयका शिक्षक कपिल जम्कट्टेलले जानकारी गराउनु भयो ।