शैक्षिक सत्र २०८१ देखि कक्षा वा तह थप गर्न आवश्यक विद्यालयहरुले निवेदन दिन बेनीघाट रोराङ गा.पा.को आग्रह

धादिङ २५ पौष

धादिङको बेनीघाट रोराङ गाउँपालिकाले आगमी शैक्षिक सत्र २०८१ देखि कक्षा वा तह थप गर्न आवश्यक विद्यालयहरुलाई निवेदन दिन आग्रह गरेको छ ।

बुधवार गाउँपालिकाले सुचना जारी गर्दै शैक्षिक सत्र २०८१ देखि कक्षा वा तह थप गर्न आवश्यक भएका विद्यालयहरू तथा बालविकास केन्द्रहरूले बेनीघाट रोराङ गाउँपालिकाको शिक्षा ऐन, २०७९ को दफा ३ बमोजिम सूचना प्रकाशित भएको मितिले ३० (तीस) दिन भित्र गाउँपालिकाको कार्यलयमा रितपूर्वक निवेदन दिनका लागि अनुरोध गरेको छ ।

साथै कक्षा वा तह थप गर्ने अनुमतिको लागि दिइने निवेदनको ढाँचा शिक्षा, युवा तथा खेलकुद शाखाबाट प्राप्त हुने उक्त सुचना मार्फत जानकारी दिएको छ ।