री गाउँ माध्यमिक विद्यालय गंगाजमुना गा.पा १ मा न्यानो कपडा

धादिङ २४ पौष

धादिङको गंगाजमुना गाउँपालिका वडा नम्बर १ मा रहेको री गाउँ माध्यमिक विद्यालयमा न्यानो कपडा वितरण गरिएको छ ।

सोमबार विद्यालयमा नमस्ते मोनाको र नान्छी डोटा कोलेट ग्रेटद्वारा विद्यालयका ३५० जना विद्यार्थीहरुलाई जुत्ता मोजा ट्रयाक सुट लगायतका कपडाहरू वितरण गरिएको विद्यालयका प्रधानाध्यापक रामचन्द्र सिटौलाले रेडियो बिहानीलाई बताउनुभयो ।

प्रधानध्यापक सिटौलाले विद्यार्थीहरुलाई सहयोग गर्ने संस्थालाई धन्यवाद ज्ञापन गर्दै ग्रामीण क्षेत्रको शिक्षा बिकास र उन्नतीमा सबै पक्ष एक भएर लाग्नुपर्ने बताउनुभयो ।

उक्त वितरण कार्यक्रममा विद्यालय व्यवस्थापन समितिका अध्यक्ष तर बहादुर तामाङ, नारा नेपालको कोषाध्यक्ष खैसर्की तामाङ, गणेश हिमाल हेल्थ सेन्टरका इन्चार्ज राजु तामाङ, विद्यालय व्यवस्थापन समितिका सदस्यहरू तथा विद्यालयका शिक्षक शिक्षीका लगायतको सहभागिता रहेको थियो ।