धादिङमा माओवादी केन्द्रको विशेष अभियान अन्तर्गत वडा सम्मेलनहरु भव्य रुपमा सम्पन्न

धादिङ १४ पौष

धादिङमा नेकपा माओवादी केन्द्रको जनतासंग माओवादी विशेष रुपान्तरण अभियान अन्तर्गत विभिन्न वडाका सम्मेलनहरु भव्य रुपमा सम्पन्न भईरहेको छ ।

शनिबार नीलकण्ठ नगरपालिका वडा नम्बर ११ को वडा सम्मेलन सम्पन्न भएको हो । उक्त सम्मेलनले नमराज लम्सालको अध्यक्षतामा २१ सदस्यीय समिति सर्वसम्मत निर्वाचित गरिएको जिल्ला संयोजक मनराज भण्डारीले बताउनुभयो ।

पार्टीको केन्द्रिय सदस्य अप्सरा सिंखडा,बागमति प्रदेशको कोषाध्यक्ष संगीता भट्टराई,जिल्ला संयोजक मनराज भण्डारी,नीलकण्ठ नगरपालिकाका उपप्रमुख दिपक विश्वकर्म,नीलकण्ठ नगर अध्यक्ष शम्भु श्रेष्ठ लगायतको नेता तथा कार्यकर्ताहरुको आतिथ्यतामा उक्त सम्मेलन सम्पन्न भएको हो ।

त्यस्तै थाँक्रे गाउँपालिका वडा नम्बर ३ को ऐतिहासिक दोस्रो वडा सम्मेलन तथा ३ सय जना पार्टी सदस्यको उपस्थितीमा कार्यक्रम भव्य रुपमा सम्पन्न गरेको छ । उक्त सम्मेलन बाट इन्चार्जमा आशिक दुदराज,अध्यक्षमा कान्छा शाहि गरि २९ सदस्य वडा कमिटी निर्वाचित गरिएको नेता मान बहादुर तामाङले जानकारी दिनुभयो ।

देश व्यपी सञ्चालनमा रहेको उक्त अभियानले जनप्रिय काम गर्दै संगठनलाई मजबुद बनाउदै आएको छ ।