बेनिघाट रोराङमा हाजिरी जवाफ प्रतियोगिता सम्पन्न, राईजिङ स्टार स्कुल चरौदी प्रथम

धादिङ ५ पौष

बेनिघाट रोराङ गाँउपालिकामा गाउँपालिकास्तरीय हाजिरी जवाफ प्रतियोगिता सम्पन्न भएको छ ।

विहिबार बेनिघाट रोराङ गाउँपालिका शिक्षा , युवा तथा खेलकुद शाखाको आयोजनामा पालिका स्तरीय आ .वि तह (६–८) हाजिरी जवाफ प्रतियोगिता सम्पन्न भएको हो ।

बेनिघाट गाउँपालिकाका उपाध्यक्ष टाप बहादुर श्रेष्ठको प्रमुख आथित्यता र बेनिघाट रोराङ गाउँपालिकाका वडा नंम्बर ९ का वडा अध्यक्ष देवि बहादुर खड्काको आथित्यतामा प्रतियोगिता सम्पन्न भएको रावलडाँडा आधारभूत विद्यालयका शिक्षक मिश्र शाक्यले बताउनुभयो ।

गाउँपालिका भरिका १८ वटा विद्यालय सहभागी उक्त प्रतियोगिता पहिलो दोस्रो चरण गरि सम्पन्न भएको थियो ।

पहिलो चरणमा १० वटा विद्यालय आउट भई दोस्रो चरणमा भने बागेश्वरी मा.वि , चन्द्रोदय मा.वि बिशालटार , राईजिङ स्टार , बेनि शिक्षा सदन , चन्द्रोदय मा.वि बेनिघाट , कालिका आ.वि मोहोरिया , पिपलभन्ज्याङ मा.वि र रावलडाँडा आ.वि  बिच प्रतिस्पर्धा गराईएको थियो ।

जसमा राईजिङ स्टार स्कुल चरोैदि प्रथम, चन्द्रोदय मावि बेनिघाट द्दितिय, बागेश्वरी मावि रिचोकटार तृतीय र बेनिशिक्षा सदन बेनिघाटले सान्त्वना स्थान हासिल गर्न सफल भएको थियो ।

उत्कृष्ट ४ स्थान हासिल गर्ने विद्यार्थी भाईबहिनिहरुलाई शैक्षिक सामग्री र प्रमाणपत्रको साथमा पुरस्कृत गरिएको रावलडाँडा आ.वि का शिक्षक मिश्र शाक्यले बताउनुभयो ।