बेनिघाट रोराङ गाँउपालिका वडा नं.२मा वडास्तरीय हाजिरी जवाफ प्रतियोगिता सम्पन्न

धादिङ ४ पौष

बेनिघाट रोराङ गाँउपालिका वडा नम्बर २ स्थित पिपल भञ्ज्याङ्ग माध्यमिक विद्यालयमा वडास्तरीय हाजिरी जवाफ प्रतियोगिता सम्पन्न भएको छ ।

बुधबार विद्यालयको ६८औं वार्षिक उत्सवको पुर्व सन्ध्याको अवसरमा वडास्तरिय हाजिरी जवाफ प्रतियोगिता सम्पन्न गरिएको रावलडाँडा आधारभुत विद्यालयका शिक्षक मिश्र शाक्यले बताउनुभयो ।

पीपलभञ्ज्याङ्ग माध्यमिक विद्यालयको आयोजनामा भएको कार्यक्रममा बेनिघाट रोराङ गाँउपालिका वडा नम्बर २ का वडा अध्यक्ष हेमराज भुजेलको प्रमुख आतिथ्यता रहेको थियो ।

बुधबार सम्पन्न वडास्तरिय हाजिरी जवाफ प्रतियोगितामा २० अंक सहित पिपल भञ्ज्याङ्ग माध्यमिक विद्यालयले प्रथम स्थान हासिल गर्न सफल भएको छ । त्यसैगरि १८ अंक सहित गौरी शंकर आधारभुत विद्यालय द्दितिय र १२ अंक सहित रावलडाँडा आधारभुत विद्यालयले तृतिय स्थान हासिल गर्न सफल भएको शिक्षक शाक्यले बताउनुभयो ।

उहाँले उत्कृष्ट स्थान हासिल गर्ने विद्यालय र विद्यार्थीहरुलाई पौष ९ गते विद्यालयको वार्षिक उत्सवको अवसरमा पुरस्कृत गरिने जानकारी दिनुभयो ।