अन्तर विद्यालय हाजिरी जवाफमा न्यू किबो बोर्डीङ प्रथम

धादिङ २९ मंसिर

धादिङको न्यू किबो बोर्डिङ स्कूलले यस सप्ताहको बुक फ्रि फ्राइडे भव्यताको साथ मनाएको छ ।

एन प्याब्सन धादिङद्वारा प्राईमरी अन्तर्गत सञ्चालन गरेको अन्तर विद्यालय हाजिरी जवाफमा न्यू किबो बोर्डिङ स्कुलका कक्षा ३,४ र ५ मा अध्ययनरत विद्यार्थीहरु प्रथम भएका छन् ।

त्यस्तै न्यू धादिङ बोर्डिङ दित्तिय र धादिङ बोर्डिङ तृतीय भएको विद्यालयका सुचना अधिकारी अनुप भट्टले रेडियो बिहानीलाई जानकारी दिनुभयो ।

प्रथम हुने समुहमा सान्भी थापा, क्रिशल रोगी र उन्नभ दुवाडी रहेका छन् । विद्यालयले प्रि प्राइमरी तर्फ विभिन्न फलफूलका साथ फ्राइडे मनाइएको थियो भने प्राईमरी अन्तर्गत अन्तर विद्यालय हाजिरी जवाफ सञ्चालन गरेको थियो ।

त्यस्तै सिनीयर तर्फ नीलकण्ठ नगरपालिकाका उपप्रमुख दिपक विश्कर्मासंग “Face to face interaction with Deputy Mayor of Neelkantha Municipality” कार्यक्रम सम्पन्न गरिएको सुचना अधिकारी भट्टले जानकारी दिनुभयो । यस्तै कार्यक्रमहरू गरी विद्यार्थीको सर्वाङ्गीण विकासमा जोड दिने विद्यालयका प्रधानाध्यापक प्रयास रेग्मीले वताउनु भयो ।