धादिङको गंगाजमुना २ तावलमा अस्थायी प्रहरी पोस्टको स्थापना

मंसिर २९
रि तावल धादिङ

धादिङको गंगाजमुना गाउँपालिका वडा नम्बर २ तावलमा अस्थायी प्रहरी पोस्टको स्थापना भएको छ ।

शुक्रबार एक कार्यक्रमको बिच प्रमुख जिल्ला अधिकारी बद्रीनाथ गैरेको प्रमुख आतिथ्यता,वडा नम्बर २ का वडा अध्यक्ष वलबहादुर तामाङको अध्यक्षता गाउँपालिका अध्यक्ष भक्तबहादुर लामाको विशेष आतिथ्यतामा अस्थायी प्रहरी पोस्टको उद्घाटन गरिएको हो ।

कार्यक्रममा जिल्ला प्रहरी कार्यालय धादिङका प्रमुख एसपी गौतम मिश्र,पालिकाका प्रमुख प्रशासकीय अधिकृत अनिल श्रेष्ठ, गाउँ पालिकाका वडा अध्यक्ष हरु , स्थानीय पाटी प्रतिनिधीहरुको उपस्थिती रहेको १ नम्बर वडा अध्यक्ष बहादुर सिं तामाङले रेडियो बिहानीलाई जानकारी दिनुभयोे ।

उक्त पोष्टमा वडा नम्बर १, २ र ३ को केहि क्षेत्र हेर्ने गरि प्रहरी हवल्दारको कमान्डमा ५ जना प्रहरी रहने प्रहरी उपरीक्षक गौतम मिश्रले जानकारी दिनुभयो ।

तावलमा स्थापना भएको स्थाइ प्रहरी पोस्टले आम नागरिकले सुरक्षाको प्रत्याभूत गर्ने भन्दै सुरक्षा र सूचनामा संगै हातेमालो गर्ने स्थानीयको भनाई छ ।