सामूदायिक रेडियो रेडियो बिहानीले मनायो आफ्नो १५ औँ स्थापना दिवस

धादिङ १२ मंसिर
सामूदायिक रेडियो रेडियो विहानी ९७.६ मेगाहर्ज धादिङले आफ्नो १५ औँ स्थापना दिवस मनाएको छ ।

मंगलवार एक कार्यक्रमको आयोजना गरि सहिद स्मृति सञ्चार सहकारी संस्था लिमिटेडद्वारा सञ्चालित सामुदायिक रेडियो रेडियो विहानी ९७.६ मेगाहर्जको १५ औँ स्थापना दिवसको अवसरमा शुभकामना आदान प्रदान तथा चियापान कार्यक्रम गरिएको हो ।

सञ्चालक समिती अध्यक्ष मनराज भण्डारी(शैलेश)को अध्यक्षतामा सम्पन्न भएको कार्यक्रममा नेकपा माओवादी केन्द्र बागमती प्रदेश कमिटी कोषाध्यक्ष संगीता भट्टराईको प्रमुख आतिथ्यतामा सम्पन्न भएको थियो ।

२०६६ साल मंसिर १२ गते स्थापना भएको रेडियो दैनिक १७ घण्टा प्रशारण गरि समूदाय केन्द्रित सूचना समाचार विज्ञापन तथा सचेतामूलक कार्यक्रम,मनोरञ्जनात्मक कार्यक्रम,गीतसंगीत,शिक्षा,स्वास्थ्य तथा सामाजिक सुरक्षा जागरण जस्ताका सवालहरुमा रेडियो कार्यक्रम सञ्चालन गर्दै आएको छ ।

रेडियोले फेसबुकपेज Radiobihani97.6mhz.www.Radiobihani.org र मोबाईल एप्लिकेशन हाम्रो पात्रो मार्फत संसारभर एकैसाथ सहजै सुन्न सकिन्छ ।

कार्यक्रममा संचालक समितिका उपाध्यक्ष,महासचित लगायत संचालक सञ्चालक समितिका सदस्यहरू रेडियो व्यवस्थापन समितिका अध्यक्ष अमृत तामाङ,लगायत सदस्यहरु राजनितिक दलका प्रमुख तथा प्रतिनिधि विभिन्न सञ्चार गृहका पत्रकार सेयर सदस्य लगायतका उपस्थिति रहेको थियो ।