धादिङको मलेखु भण्डारा सडक खण्डमा बोलेरो दुर्घटना, १० जना गम्भीर घाइते

धादिङ १४ कार्तिक
धादिङको गजुरी गाउँ पालिका अन्तरगत पर्ने मलेखु भण्डारा सडक खण्डको तुनीखोलामा यात्रुवाहक जिप दुर्घटना हुंदा ११ जना यात्रु घाईते भएका छन् । वेनिघाट रोराङ गाउँ पालिकाको ताल्तीबाट पृथ्वीराजमार्गको मलेखुतर्फ यात्रु लिएर आउँदै गरेको ग १ ज ३०११ नम्बरको बोलेरो जिप बिहिबार विहान ९ वजेतिर गजुरी गाउँपालिका वडा नम्बर २ तुनीखोला नजिकै दुर्घटना भएको हो । दुर्घटनामा १० जना गम्भीर घाइते भएका छन् भने अन्य सामान्य घाइते भएका हुन् । तिहार मानेर फर्किएका यात्रु लिएर गाउँबाट पृथ्वीराजमार्गतर्फ आईरहेको उक्त जिप सडकबाट ७० मिटर तल खोलामा खसेर दुर्घटना भएको इलाका प्रहरी कार्यालय गजुरीले जानकारी दिएको छ । दुर्घटनाका घाइतेहरुलाई नेपाल प्रहरी, रेडक्रसकर्मी, स्वयंसेवक टोली र स्थानीयले उद्धार गरी उपचारका लागि राजमार्ग सामुदायिक अस्पताल मलेखु पठाएको थियो । दुर्घटनामा परी गम्भीर घाइते भएका १० जनालाई थप उपचारको लागि काठमाडौँ रिफर गरिएको राजमार्ग सामुदायिक अस्पतालले जानकारी दिएको छ ।
दुर्घटनाका घाइतेहरुको नामावली यसप्रकार छ ।
अच्युत सिलवाल वर्ष २३ गजुरी गाउँ पालिका १ गम्भीर
भिमराज सिलवाल वर्ष २५ गजुरी गाउँ पालिका १
नवराज खरेल वर्ष २४ वेनिघाट गाउँ पालिका २ गम्भीर
विवश सेढाई वर्ष १५ गजुरी गाउँ पालिका २ गम्भीर
दिनेश तामाङ वर्ष २३ गजुरी गाउँ पालिका ३ गम्भीर
सरस्वती रेग्मी वर्ष २१ वेनिघाट गाउँ पालिका २ गम्भीर
अप्सरा वस्नेत वर्ष ४५ वेनिघाट गाउँ पालिका २ गम्भीर
नमराज हटुवाल वर्ष ४४ वेनिघाट गाउँ पालिका २ गम्भीर
सुनिल दर्जी वर्ष २८ मकवानपुर गम्भीर
शान्ति तामाङ वर्ष ३४ बेनिघाट गाउँ पालिका २ गम्भीर
सन्तोष अधिकारी वर्ष १६ गजुरी गाउँ पालिका २ सामान्य
नरेस सिलवाल बर्ष २४ बेनिघाट रोराङ गाउँ पालिका ४