धादिङको गंगाजमुनामा स्व.मनोज श्रेष्ठको ८ औँ पुन्य तिथिमा श्रद्धाञ्जली सभा सम्पन्न

धादिङ १७ कार्तिक
धादिङको गंगाजमुना गाउँपालिकामा श्रद्धाञ्जली सभा सम्पन्न भएको छ ।

गंगाजमुना गाउँपालिका वडा नम्बर ४ निवासी धादिङ जिल्ला भलिबल टिमका क्याप्टेन स्व.मनोज श्रेष्ठको ८ औँ पुन्य तिथिमा मृतक मनोज श्रेष्ठको घर गुम्दी लुम्रिमा जिल्ला समन्वय समिती धादिङका प्रमुख नवराज अधिकारीको प्रमुख आतिथ्यतामा सम्पन्न भएको हो ।

उक्त कार्यक्रममा गंगाजमुना गाउँपालिकाका उपाध्यक्ष रामेश्वर सिंखडा, जिल्ला खेलकुद विकास समिति धादिङका अध्यक्ष प्रताप सिं तामाङ , बागमती प्रदेश खेलकुद परिषद्का बोर्ड सदस्य एंव भलिबल संघ धादिङका उपाध्यक्ष अमृत तामाङ ,जिल्ला भलिबल संघका अध्यक्ष अमृत गुरुङ (तिलक) , वडा अध्यक्ष प्रेम घले लगायतको उपस्थिती रहेको थियो ।

स्थानीय बुद्धिजीवी,आफन्त , घर परिवार, लगायत भलिवल संघका पदाधिकारीहरुको उपस्थिीती रहेको कार्यक्रममा स्वर्गीय मनोज श्रेष्ठको आत्माको चिर शान्तिको कामना गर्दै श्रद्धाञ्जली व्यक्त गरि परिवारजनमा धैर्य धारणाको शक्ति मिलोस भन्ने समावेदना प्रकट गरि कार्यक्रम समापन भएको बागमती प्रदेश खेलकुद परिषद्का बोर्ड सदस्य एंव जिल्ला भलिबल संघ धादिङका उपाध्यक्ष अमृत तामाङले रेडियो बिहानीलाई जानकारी दिनुभयो ।