भव्य कार्यक्रमका साथ धादिङमा नेपाल संवत ११४० मनाइने

धादिङ ०६ कार्तिक
नेपाल संवत ११४० तथा शुभ दिपावली एव. छठ पर्व २०७६ को अवसरमा नेपाल संवत् ११४० मूल समारोह समिति धादिङले विभिद कार्यक्रमको आयोजना गर्न लागेको छ । नेपालको मौलिक संवत नेपाल संवतको अवसरमा कार्तिक ११ गते धादिङबेसी बजार क्षेत्रमा बाजागाजा र विभिन्न झाँकी सहितको प्रभातफेरी गरिने आयोजकले जनाएको छ । समारोहकै अवसरमा ८४ वर्ष पुरा गरेका जेष्ठ नागरिकहरुलाई चौरासी सम्मान कार्यक्रम समेत गरिने भएको छ । यस्तै कार्तिक १० गते विभिन्न टोल सुधार समितिको अगुवाइमा आ–आफ्नो टोल क्षेत्र सरसफाई गरिने समेत मूल समारोह समितिका संयोजक गोविन्द कुमार श्रेष्ठले जानकारी दिनुभयो । समारोहलाई सफल बनाउनको लागि धिमेबाजा र नृत्य व्यवस्थापन, टाकटुके व्यवस्थापन, टीका व्यवस्थापन, सुकुन्दा र अन्ती व्यवस्थापन, सगुन व्यवस्थापन, चौरासी सम्मान व्यवस्थापन, बजार सरसफाई अनुगमन तथा मूल्याङ्कन, झाँकी व्यवस्थापन, आर्थिक व्यवस्थापन र प्रचार प्रसार उपसमिति लगायत विभिन्न उपसमितिहरुको पनि निर्माण गरेको छ ।