धादिङको सिद्धलेक गाउँपालिकामा खुल्ला पुरुष भलिबल प्रतियोगिता तथा सांस्कृतिक कार्यक्रम हुने

धादिङ २५ असोज
धादिङको सिद्धलेक गाउँपालिका वडा नम्बर २ नलाङको खिर्रेमा खुल्ला पुरुष भलिबल प्रतियोगिता तथा सांस्कृतिक कार्यक्रम हुने भएको छ ।

तमु युवा समाज सिद्धलेक–२ खिर्रेको आयोजना तथा सिद्धलेक गाउँपालिकाको प्रायोजनमा कात्तिक ८ देखी १० गतेसम्म खिर्रेस्थित नलाङ पात्ले मा.विको खेल मैदानमा विविधि सांस्कृतिक कार्यक्रमसँगै खुल्ला पुरुष भलिबल प्रतियोगिता हुने धादिङ भलिबल संघका अध्यक्ष अमृत गुरुङले रेडियो बिहानीलाई जानकारी दिनुभयो ।

प्रतियोगितामा सहभागि हुनको लागि कात्तिक ४ गतेसम्मको समय तोकिएको छ ।

टिम दर्ताका लागि ५ हजार रुपैयाँ शुल्क तोकिएको छ ।एक टिममा १२ जना खेलाडी, टिम कोच १ जना र १ जना व्यवस्थापक रहने आयोजकले जनाएको छ ।

प्रतियोगिताको विजेताले १ लाख,दोस्रो हुनेले ५० हजार,तेस्रो हुनेले ३० हजार रुपैयासहित ट्रफी मेडल र प्रमाणपत्र पाउने आयोजकले जनाएको छ ।

टिम दर्ताको लागि सम्पर्क नं ९८४८५९००८५, ९८४१०९२२७७, ९८१००२४१९६ र ९८४१६५६६४७,९८५११२१३१४