धादिङको रुबीभ्यालीमा विदेशी पर्यटकको निधन

धादिङ ०३ कार्तिक
धादिङको रुबीभ्याली गाउँपालिकामा ट्रेकिङको लागि आएका एक विदेशी पर्यटकको निधन भएको छ । ट्रेकिङको लागि अष्ट्रियाबाट आएका ६७ बर्षीय ऊइल हिलिम ऊइ हिन्डर को रुबीभ्याली गाउँपालिका वडा नं १ सोम्ताङमा आईतबार निधन भएको हो । मृतकको शव प्रहरीको टोलीले हेलिकप्टर मार्फत टिचिङ अस्पतालमा लगेको जिल्ला प्रहरी कार्यालय धादिङले जनाएको छ । अत्याधिक चिसो बढेका कारण मृत्यु भएको हुनसक्ने प्रहरीले अनुमान गरेको छ । उनीहरु ट्रेकिङका लागि काठमाडौ स्थित हाई कन्ट्री ट्रेकिङ प्रालि मार्फत आएका थिए । घटनास्थल प्रहरी चौकी सेर्तुङबाट १० घण्टा पैदल दुरीमा रहेको छ ।