धादिङमा रक्तदान कार्यक्रम सम्पन्न,२९ जनाले गराए रक्तदान

धादिङ १२ असोज
धादिङको श्रोत परिचालन बचत तथा ऋण सहकारी संस्था लिमिटेडको २६ औँ बार्षिक उत्सवको अवसरमा रक्तदान कार्यक्रम सम्पन्न भएको छ ।

शुक्रबार त्रिपुरासुन्दरी गाउँपालिका स्थित सल्यानटारमा रक्तदान कार्यक्रम सम्पन्न भएको हो । उक्त रक्तदान कार्यक्रममा ८ जना महिला २१ जना पुरुष गरि जम्मा २९ जनाले रक्तदान गरेको नेपाल रेडक्रस सोसाईटी जिल्ला शाखा धादिङका कोषाध्यक्ष नारायण कुमार श्रेष्ठले जानकारी दिनुभयो ।

नेपाल रेडक्रस सोसाईटी रक्त संचार सेवा केन्द्र प्राविधिक सहयोग र लायन्स क्लब अफ काठमाडौ ब्लड सर्कलको सहकार्यमा रक्तदान कार्यक्रम सम्पन्न भएको हो ।

जिल्लामा अभियानकै रुपमा रक्तदान कार्यक्रम आयोजना गर्दै आएको छ । रगतको अभावलाई न्युनीकरण गर्नको लागी विभिन्न मेला, पर्व, उत्सव, सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि रगत संकलन गर्दै आएको छ ।