धादिङमा ५९ औं राष्ट्रिय बाल दिवसको अवसरमा निबन्ध प्रतियोगिता सम्पन्न

धादिङ २९ भाद्र

५९ औं राष्ट्रिय बाल दिवसको अवसरमा सहारा महिला बचत तथा ऋृण सहकारी संस्था लि निलकण्ठ ३ धादिङ र फोकस नेपाल धादिङको संयुक्त आयोजनामा “ आजको आवश्यकता सहकारीमा युवा सहभागिता र सुरक्षा “ बिषयक निबन्ध प्रतियोगिता आयोजना गरेको छ ।

सहारा महिला बचत तथा ऋृण सहकारी संस्था लि. र फोकस नेपाल धादिङको कार्यक्षेत्र भित्र रहेका ५ वटा सामुदायिक बिद्यालयको माध्यमिक तहका १० जना छात्रछात्राको सहभागिता रहेको थियो ।

प्रतियोगितामा गैरिगाउँ माध्यमिक विद्यालयका सृष्टि मल्ल ठकुरी प्रथम,लामागुरु माध्यमिक विद्यालयका सुस्मा गुरुङ द्वितीय , गैरिगाउँ माध्यमिक विद्यालयका राजन नेपाली तृतीय र निलकण्ठ माध्यमिक विद्यालयका अनुष्का अधिकारी सान्त्वना भएका छन् ।

प्रतियोगितामा प्रथम ,द्वितीय , तृतीय र सान्त्वना स्थान हासिल गर्ने विद्यार्थीहरुलाई क्रमशः २५ सय,२ हजार ,१५ सय र १२ सय पुरस्कार र प्रमाणपत्र वितरण गरिएको छ ।

कार्यक्रममा नेपाल पत्रकार महासंघ धादिङको अध्यक्ष राजाराम शर्मा, फोकस नेपालका खिल कुमारी तिवारी र सहारा महिला साकोसको अध्यक्ष पार्वती राई खाँणको उपस्थिति रहेको संस्थाका शिक्षा उपसमितिका संयोजक गायत्री खतिवडाले जानकारी दिनुभयो ।