धादिङको गल्छीमा माइक्रोबसको ठक्करबाट एक जनाको मृत्यु

धादिङ असोज २४
धादिङको गल्छी गाउँपालिका वडा नम्बर ७, खेस्टेखोलामा भएको दुर्घटनामा परी एक जनाको ज्यान गएको छ । लमजुङको बेसीशहरबाट काठमाण्डौतर्फ जाँदै गरेको बा २ ख ७२८४ नम्बरको माइक्रोबसले शुक्रबार त्यसै दिशातर्फ जाँदै गरेको बा ४९ प ३०१५ नम्बरको मोटरसाइकललाई ठक्कर दिदा मोटरसाइकलमा सवार एक जनाको ज्यान गएको थियो । मृत्यु हुनेमा मोटरसाइकलको पछाडि बसेका नुवाकोट जिल्ला विदुर नगरपालिका वडा नम्बर १२, भट्टगाउँका २३ वर्षीय रामकृष्ण भट्ट रहेका छन् । गम्भीर घाइते भट्टको उपचारका लागि काठमाडाँै लैजाँदै गर्दा बाटोमा नै मृत्यु भएको जिल्ला प्रहरी कार्यालयका प्रहरी नायव उपरीक्षक रुपक खड्काले जानकारी दिनुभयो । दुर्घटनामा सोही ठाउँका २३ वर्षीय हरिप्रसाद भट्ट घाइते भएका छन् । घाइतेको काठमाडौँमा रहेको ग्राण्डी अस्पतालमा उपचार भइरहेको छ । ओभरटेक गर्ने क्रममा माइक्रोबसले मोटरसाइकललाई ठक्कर दिएको थियो । दुर्घटनापछि माइक्रोबसका चालकलाई प्रहरीले नियन्त्रणमा लिएको छ ।