धुवाकोट सामुदायिक सिकाई केन्द्रको आयोजनामा अन्तरक्रिया तथा चियापान कार्यक्रम सम्पन्न

धादिङ २२ भाद्र

आज अन्तर्राष्ट्रिय साक्षरता दिवसको अवसरमा नीलकण्ठ नगरपालिका वडा नम्बर १४ धुवाकोटमा रहेको धुवाकोट सामुदायिक सिकाई केन्द्रको आयोजनामा अन्तरक्रिया तथा चियापान कार्यक्रम सम्पन्न भएको छ ।

धुवाकोट सिकाई केन्द्रको अध्यक्ष सुमन अधिकारीको अध्यक्षतामा सम्पन्न भएको कार्यक्रममा नीलकण्ठ नगरपालिका वडा नम्बर १४ का कार्यवाहक वड़ा अध्यक्ष कमला तामाङको प्रमुख आतिथ्यता रहेको थियो ।

त्यसैगरी विशेष अतिथिहरुमा वडा सदस्य सूर्य बहादुर तामाङ, सरस्वती माध्यमिक विद्यालयका पूर्व प्रधानाध्यपक शालिकराम अर्याल लगायतको उपस्थिति रहेको थियो ।

कार्यक्रमलाई सम्वोधन गर्नुहुदै प्रमुख अतिथि कार्यवाहक वडा अध्यक्ष तामाङले धुवाकोट सामुदायिक सिकाई केन्द्रले धुवाकोटको शैक्षिक अवस्थामा पूर्ण साक्षर गा.वि.स घोषणा गर्ने क्रममा महत्वपूर्ण योगदान दिएको र विभिन्न आय आर्जनका समुहहरु, निर्माण गरि महिला दिदि बहिनीहरूलाई व्यवसायी र उद्यमी बनाउने कार्यमा महत्वपूर्ण कार्य गर्दै आएकोमा, धुवाकोट सामुदायिक सिकाई केन्द्रलाई वडाको तर्फबाट गर्नुपर्ने सहयोग गर्ने बताउदै शुभकामना व्यक्त गर्नुभयो ।