प्रथम भिमसेन थापा फुटबल कप २०७६ को उपाधी वडा न. ४ लाई

कृष्ण बहादुर लामिछाने
गोरखा १६ असोज
स्थानीय युवाहरुको मनोबल मित्रताको लागि फुटबल भन्ने मूल नाराका साथ प्रथम भिमसेन थापा सेभेन ए साइड फुटबल कप २०७६ भिमसेन थापा गाउँपालिका ३ तान्द्राङ गोरखामा सम्पन्न भएको छ । भिमसेन थापा गाउँपालिकाको आर्थिक सहयोग र वडा खेलकुद समिति भिमसेन थापा गाउँपालिका ३ तान्द्राङको आयोजनामा प्रतियोगिता सञ्चालन भएको हो । प्रतियोगितामा भिमसेन थापा गाउँपालिका ४ तान्द्राङ गोरखा प्रथम, वडा नं. १ द्धितीय, वडा नं. ७ तृतीय भएका छन् । प्रतियोगितामा प्रथम द्धितीय र तृतीय हुन सफल खेलाडीहरुलाई क्रमश : रु. ५० हजार मेडल प्रमाण पत्र, रु ३० हजार मेडल प्रमाण पत्र, रु २० हजार मेडल प्रमाणपत्र प्रदान गरिएको थियो ।

यसै गरी इयर अफ द टुनामेन्ट, वेस्ट गोलकिपर, वेस्ट फिल्डर, हाइएस्ट गोल स्क्रोरर, उत्कृष्ठ खेलाडी, इएर प्ले अवार्ड एक÷एक जनालाई रु ५ हजार मेडल र प्रमाणपत्र प्रदान गरिएको छ । आयोजक वडा खेलकुद समितिका अध्यक्ष समिर ढकालको अध्यक्षता रहेको समापन कार्यक्रममा गाउँ पालिकाका अध्यक्ष ईश्वर पाण्डेको प्रमुख आतिथ्यता रहेको थियो । समापन कार्यक्रममा गाउँपालिकाकी उपाध्यक्ष विनु वाग्लेको विशेष आतिथ्यता लगायत वडा अध्यक्षहरु स्थानीय तहका निर्वाचित जनप्रतिनिधिहरु, संघ संस्थाका प्रमुख एवं प्रतिनिधिहरु, खेलाडीहरु र प्रत्रकार समेतको आतिथ्यता रहेको समारोहमा खेलप्रेमी दर्शकहरुको उल्लेखनीय उपस्थिति रहेको थियो ।