नीलकण्ठ वहुमुखी क्याम्पसमा रेडक्रस सम्बन्धी अभिमुखीकरण कार्यक्रम सम्पन्न

धादिङ १९ भदौ

धादिङको नीलकण्ठ वहुमुखी क्याम्पसमा रेडक्रस सम्बन्धी अभिमुखीकरण कार्यक्रम सम्पन्न भएको छ ।

मंगलवार युवा रेडक्रस सर्कलको आयोजनामा नेपाल रेडक्रस सोसाइटीको ६१ औ स्थापना दिवसको अवसरमा उक्त अभिमुखीकरण कार्यक्रम सम्पन्न गरिएको हो ।

युवा रेडक्रस सर्कलका अध्यक्ष श्री सर्मिला अर्यालको अध्यक्षतामा सम्पन्न भएको कार्यक्रममा नेपाल रेडक्रस सोसाइटि धादिङका सभापति दुर्लभ कुमार तामाङको प्रमुख अतिथिको रूपमा आतिथ्यता रहेको थियो भने विशेष अतिथिको रुपमा नेपाल रेडक्रस सोसाइटी मन्त्री नेम बहादुर श्रेष्ठ रहनुभएको थियो ।

कार्यक्रमलाई सम्बोधन गर्नुहुँदै प्रमुख अतिथि तामाङले रेडक्रसको महत्व र यसले हरेक मानव जिवनमा कसरी प्रभाव पार्दछ भन्ने वारे प्रष्ट गर्नु भएको थियो ।

यसैगरी विशेष अतिथि श्रेष्ठले रेडक्रस स्थापना देखि हाल सम्मका सम्पूर्ण गतिविधि सँग सँगै रेडक्रसको सिद्धान्त, नितिहरू प्रस्तुत गर्नु भएको थियो ।

कार्यक्रममा निलकण्ठ वहुमुखी क्याम्पसका क्याम्पस प्रमुख नवराज शर्मा, स्ववियु का उप सभापति उत्तम सिलवाल लगायत युवा रेडक्रसका सम्पूर्ण पदाधिकारी, शिक्षक विद्यार्थीहरुको सक्रिय सह भागिता रहेको थियो ।