गजुरीमा रक्तदान कार्यक्रम सम्पन्न ८६ जनाले गराए रक्तदान

धादिङ १० भाद्र
धादिङको गजुरीमा खुल्ला रक्तदान कार्यक्रम सम्पन्न भएको छ ।

गजुरी गाउँपालिकाको गजुरी बजार स्थित रुद्रेश्वर आमा समुहले आईतबार एक कार्यक्रमको आयोजना गरि रक्तदान कार्यक्रम सम्पन्न गरिएको हो ।

रुद्रेश्वर आमा गजुरीको आयोजनामा सम्पन्न भएको रक्तदान कार्यक्रममा २८ जना महिला र ५८ जना पुरुष गरी ८६ जनाले रक्तदान गरेको नेपाल रेडक्रस सोसाईटी धादिङका सभापति दुर्लभ कुमार तामाङले जानकारी दिनुभयो ।

“रक्त दान जीवन दान ” भने नारालाई आत्मसात गर्दै पछिल्लो समय धादिङ जिल्लामा विभिन्न आपत विपतका घटनामा रगतको अभाव हुन नदिन रक्तदान गर्दै आएको नेपाल रेडक्रस सोसाइटी जिल्ला शाखा धादिङका सभापति दुर्लभ कुमार तामाङले बताउनुभयो ।

रुद्रेश्वर आमा गजुरीको आयोजनामा नेपाल रेडक्रस सोसाइटी धादिङको प्राविधिक सहयोग,नेपाल रेडक्रस सोसाईटी गजुरी उपशाखा, गजुरी सामुदायिक विकास समाज र युवा रेडक्रस सर्कल आदर्श बहुमुखी क्याम्पस गजुरीको सहयोगमा आदर्श बहुमुखी क्याम्पस चोक गजुरी बजारमा रक्तदान कार्यक्रम सम्पन्न भएको हो ।