पृथ्वी राजमार्गको बाँदरेमोडमा सवारी दुर्घटना १ जनाको मृत्यु, १ घाइते

धादिङ १३ असोज
पृथ्वी राजमार्गको वेनिघाट रोराङ गाउँ पालिका वडा नं. ५ बाँदरेमोडमा सवारी दुर्घटना हुँदा १ जनाको घटनास्थलमै मृत्यु भएको छ । चितवबाट काठमाडौँतर्फ आउँदै गरेको बा ३ ख ८३१९ नम्बरको स्वराज गाडीले विपरित दिशातर्फ जाँदै गरेको बा ९५ प ९७७१ नम्बरको मोटरसाइकललाई ठक्कर दिदा मोटरसाइकलमा सवार सिन्धुपालचोक घर भएका वर्ष २९ का राजिब गुरुङको मृत्यु भएको हो भने मोटरसाइकल चालक इलाम बाजुकी २ का मिलन राई मध्यम घाइते भएका छन् । घाइते राईलाई उपचारका लागि राजमार्ग सामुदायिक अस्पताल मलेखु ल्याइएको र मृतक गुरुङको लासलाई पोष्टमार्टमका लागि गजुरी प्राथमिक स्वास्थ्य केन्द्रमा राखिएको जिल्ला प्रहरी कार्यालय धादिङले जानकारी दिएको छ । यस्तै ठक्कर दिने स्वराज गाडी चालक ज्वालामुखी गाउँ पालिका ६ सुनखानीका प्रेम नारायण श्रेष्ठलाई ईलाका प्रहरी कार्यालय गजुरी धादिङको नियन्त्रणमा राखिएको छ ।