बैतडीमा करेन्ट लागेर एकजनाको मृत्यु

धादिङ १० भदौ

करेन्ट लागेर बैतडीमा एकजनाको मृत्यु भएको छ । मृत्यु हुनेमा जिल्लाको दशरथचन्द नगरपालिका–५ पल्लाचौडालीका ४४ वर्षीय नवराज लेखक रहेको बैतडीका प्रहरी प्रवक्ता, प्रहरी निरीक्षक खेमविक्रम केसीले जानकारी दिनुभयो ।

घरभित्र कोठामा बिजुलीको तार जोडिरहेका लेखक करेन्ट लागेर गम्भीर घाइते भएका थिए। घाइते लेखकको जिल्ला अस्पतालमा उपचारको क्रममा मृत्यु भएको हो ।

यसैगरी दशरथचन्द नगरपालिका–५ आइतका ४३ वर्षीय केशवदत्त लेखक (लछु) मृत भेटिएका छन्। केशव वडा नं ५ को कार्यालय नजिकै मृत फेला परेको प्रहरी निरीक्षक केसीले बताउनुभयो ।
शनिबार घरबाट निस्केका केशव आइतबार बिहान मृत फेला परेका हुन्। उनको मृत्युको कारण खुल्न सकेको छैन। शव परीक्षणका लागि जिल्ला अस्पतालमा राखिएको र परीक्षण रिपोर्टपछि के कति कारण कारण मृत्यु भएको खुल्ने जनाएको छ ।

घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ ।

अनलाईन साभार