सप्तकोशी नदीमा पानीको बहाव बढेका कारण खोलियो कोशी ब्यारेजका ५६ वटै ढोका

धादिङ २९ श्रावण

सप्तकोशी नदीमा पानीको बहाव अत्याधिक मात्रामा बढेपछि कोशी ब्यारेजका सबै ५६ वटै ढोका खोलिएको छ ।

सप्तकोशी नदीमा पानीको बहाव अत्यधिक बढेपछि ५६ वटै ढोका खोलिएको सुनसरीका प्रमुख जिल्ला अधिकारी हुमकला पाण्डेले उज्यालोलाई जानकारी दिनुभयो ।

उहाँका अनुसार बिहान ४ बजे नदीमा पानीको बहाव ४ लाख ६२ हजार क्युसेक पुगेको थियो । अहिले भने पानीको बहाव बिस्तारै घट्न थालेको छ ।

अघि बिहान सात बजेको मापनअनुसार ४ लाख ४० हजार क्युसेकमा झरेको प्रमुख जिल्ला अधिकारी पाण्डेले जानकारी दिनुभयो । सप्तकोशीमा १ लाख ५० हजार क्युसेक पानी नाघेपछि खतराको सङ्केत मानिन्छ।

कोशी ब्यारेजमा अहिले आवतजावत बन्द गरिएको छ । त्यस आसपासका क्षेत्रमा सावधानी अपनाउनु आग्रह गरिएको छ ।

अनलाईन साभार