पहिरो खसेसँगै अवरुद्ध भएको नारायणगढ–मुग्लिन सडक दुईतर्फी सञ्चालनमा आयो

धादिङ २३ श्रावण

चितवनको इच्छाकामना गाउँपालिका–६ मा पर्ने नारायणगढ–मुग्लिन सडक खण्ड दुईतर्फी सञ्चालनमा आएको छ ।

आज मङ्गलवार बिहान सवा ५ बजेतिर लेदोसहितको ठूलो पहिरो खसेसँगै सडक दुईतर्फी अवरुद्ध भएको सडक पहिरो पन्छ्याएपछि दिउँसो २ बजेर २० मिनेटदेखि सडक खण्ड दुईतर्फी सञ्चालनमा आएको हो ।

इच्छाकामना गाउँपालिका–६ को कालीखोलामा पहिरो खसेसँगै सडकमा गाडी आउजाउ रोकिएको थियो ।

बिहान ११ बजेदेखि एकतर्फी सञ्चालनमा आएको सडक दिउँसोबाट पूर्णरूपमा सञ्चालनमा आएको हो ।

जिल्ला प्रहरी कार्यालय चितवनका प्रमुख एवम् प्रहरी उपरीक्षक (एसपी) रामेश्वर कार्कीका अनुसार पहिरो पन्छ्याएसँगै रोकिएका गाडी गन्तव्यतर्फ लागेका छन् ।

यस सडक खण्डमा पटक पटक पहिरो खस्दै आएको छ ।

अनलाईन साभार