धादिङमा सवारी दुर्घटना हुँदा १ जनाको मृत्यू

धादिङ ५ साउन
धादिङको बेनिघाट रोराङ गाउँपालिका वडा नम्बर ३ मलेखु स्थित सवारी दुर्घटना भएको छ ।

काठमाडौबाट मुग्लिङतर्फ जाँदै गरेको प्रदेश १–०२–००१ ख ८०२९ नम्बरको मालवाहक ट्रकले विपरीत दिशाबाट आउँदै गरेको बागमती प्रदेश ०२–०३७ प ७७३१ नम्बरको मोटरसाइकल एक आवपसमा ठोकिदा एक जनाको मृत्यू भएको छ । मृत्यू हुनेमा मोटरसाईकल चालक पर्साका २५ वर्षीय कृष्ण श्रीवास्तवको रहेको हो ।

श्रीवास्तवको उपचारको क्रममा मृत्यु भएको जिल्ला प्रहरी कार्यालय धादिङका प्रहरी नायव उपरीक्षक (डीएसपी) सन्तुलाल प्रसाद जैसवारले जानकारी दिनुभयो ।

प्रहरीका अनुसार मोटरसाइकलको पछाडि सवार महिला समान्य घाइते भएको प्रहरीले रेडियो बिहानीलाई जानकारी दिनुभयो ।