एसिसी यू १६ इस्ट जोन कपको उपाधी नेपाललाई

१९ असार २०८०
नेपालले एसिसी यू १६ इस्ट जोन कपको फाइनलमा घरेलु टोली मलेसियालाई २ सय २१ रनले हराउँदै च्याम्पियन बनेको छ ।

जितको लागि २ सय ५३ रनको विशाल विजयी लक्ष्य पछ्याएको मलेसिया १४.४ ओभरमा ३१ रनमा अल आउट हुँदा नेपाल च्याम्पियन बनेको हो ।

समूह चरणमा नेपालले थाईल्यान्डलाई २ सय २५ र मलेसियालाई ८४ रनले हराउँदै सेमिफाइनलमा स्थान बनाएको थियो ।

सेमिफाइनल खेलमा नेपालले सिंगापुरलाई ९७ रनले हराउँदै फाइनल खेलेको थियो । नेपालले तेस्रो पटक उपाधि जितेको हो ।

यसअघि नेपालले २०१७ र २०१९ मा पनि यू१६ को उपाधि जितेको थियो ।