गजुरी गाउँपालिकामा १ दिने सयपत्री फुल खेति सम्बन्धी तालिम सम्पन्न

धादिङ १८ असार
गजुरी गाउँपालिकामा सयपत्री फुल खेति सम्बन्धी तालिम सम्पन्न भएको छ ।

सोमबार एक विशेष कार्यक्रमको आयोजना गरि सयपत्री फुल खेति विषयक १ दिवसीय तालिम सञ्चालन गरिएको हो । गाउँपालिकाभित्रका कृषकहरुलाई उद्यमी बनाउने उद्देश्यका साथ कार्यक्रमको सञ्चालन गरिएको गजुरी गाउँपलिकाले जनाएको छ ।

गाउँपालिकाको कृषि शाखा र पुष्प विकास केन्द्र गोदावरी ललितपुरको संयुक्त आयोजनामा सञ्चालन गरिएको तालिममा ३ वटा कृषक समूहको ३५ जना कृषकहरुको सहभागितामा तालिम सम्पन्न भएको हो ।