खनियाबासका मेवाङ तामाङ ९ दिनदेखी बेपत्ता, खोजीकार्यमा सहयोग गरीदिनको लागि परिवारको अपिल

१३ असार २०८०
धादिङको खनियाबास गाउँपालिका–३ का १७ बर्षिय मेवाङ तामाङ ९ दिन देखी बेपत्ता भएका हँुदा खोजीकार्यमा सहयोग गरीदिनको लागि परिवारले अपिल गरेका छन्।

तामाङ २ महिना अघि भारत काम गर्न गएका थिए । काम गर्न नसक्ने अवस्था सृर्जजा भएपछि परिवारसँगको सल्लाहमा घर आऊछु भनेर भारतको हिमाञ्चल प्रदेशबाट असार ५ गते निस्किएको थियो ।

असार ५ गतेबाट परिवारसँग सम्पर्कविहिन रहेको मेवाङका दाजु सुजन तामाङले बताउनुभयो । दाजुका अनुसार मेवाङ परिवारसँग ४ दिनमा नेपालमा आईपग्छु भनेका तर ९ दिन बितिसक्दा पनि सम्पर्कमा नआएकोले आफ्नो भाइको खोजीकार्यमा सहयोग गरिदिनको अनुरोध गरिएको छ ।

कालो वर्ण,नाकको दाँया पट्टी कालो कोठी भएको,माथी सुंन्तला रंगको हुक र हरियो रँगको हाल्फ पाइन्ट लाएको,हिमान्चलबाट मनाली हुँदै चन्डिगेट सम्म परिवारसँग सम्पर्कमा रहेको र त्यसपछि सम्पर्कविहिन भएकोले खोजिदिन तामाङले आग्रह गरेका छन् ।