संविधान दिवसको अवसरमा त्रिपुरा सुन्दरी गाउँ पालिकामा वक्तृत्वकला प्रतियोगिता सम्पन्न

धादिङ ०३ असोज
संविधान दिवसको अवसर पारी त्रिपुरा सुन्दरी गाउँ पालिका धादिङले प्रवचन कार्यक्रमको आयोजना गरेको छ । गाउँ पालिकाका अध्यक्ष सम्भु थापाको अध्यक्षतामा भएको कार्यक्रममा जिल्ला समन्वय समिति धादिङका सदस्य कमल नारायण श्रेष्ठ, गाउँ पालिकाका प्रमुख प्रशासकीय अधिकृत ओम प्रसाद सुवेदी, शिक्षा अधिकृत रामचन्द्र इटनी, गाउँ पालिका भित्रका जनप्रतिनिधिहरु, वडा अध्यक्ष, गाउँ पालिकाका कर्मचारीहरुको उपस्थिति रहेको थियो ।

कार्यक्रमकै अवसर पारी भएको विद्यालय स्तरीय वक्तृत्वकला प्रतियोगितामा सल्यानटार माध्यमिक विद्यालय प्रथम, रानीपौवा माध्यमिक विद्यालय द्धितीय, अचने माध्यमिक विद्यालय तृतीय भएका छन् । प्रतियोगितामा विजयी विद्यार्थीहरुलाई नगद पुरस्कारद्धारा पुरस्कृत गरिएको थियो ।