लामागुरु महादेव माध्यामिक विद्यालयलाई रोटरी क्लव अफ धादिङको सहयोग

धादिङ ३० ज्येष्ठ
रोटरी क्लव अफ धादिङले विद्यालयमा दिवा खाजा प्रयोजनको लागि आवश्यक किचन सामाग्री हस्तान्तरण गरेको छ ।

धादिङको नीलकण्ठ नगरपालिका वडा नम्बर २ स्थित लामागुरु महादेव माध्यामिक विद्यालयमा मंगलबार एक कार्यक्रमको आयोजना गरि हस्तनतरण गरिएको हो ।

रोटरी क्लव अफ धादिङका अध्यक्ष रोहित भण्डारीको सभापतित्व रोटरियन चक्रबहादुर भण्डारीको प्रमुख आतिथ्यतामा सम्पन्न भएको कार्यक्रममा रोटरी क्लव अफ धादिङका पूर्व अध्यक्ष ध्रवबहादुर थापा, अशोक कुमार बस्नेत, भिमबहादुर श्रेष्ठ,राजेन्द्र श्रेष्ठ,गैसस महासंघ धादिङका अध्यक्ष शालीग्राम दुवाडी लगायत विद्यालयका शिक्षक कर्मचारी,अभिभावक र विद्यार्थीहरुको सहभागीता रहेको थियो ।

विद्यालयका २०० जना विद्याथीहरुलाई पुग्ने गरी खाजा खुवाउनलाई आवश्यक पर्ने किचनका सामाग्री प्रदान गरिएको बताउँदै १ लाख १२ हजार बराबरको किचन सामाग्री खरीद गरी विद्यालयलाई सहयोग गरेको रोटरी क्लव अफ धादिङका अध्यक्ष रोहित भण्डारीले बताउनुभयो ।

रोटरी क्लव अफ धादिङले यस विद्यालयमा निःशुल्क स्वास्थ्य शिविर, स्टेसनरी सामग्री वितरण लगायतका कार्यक्रमहरु सँञ्चालन गरिदै आएको छ ।