वित्तीय साक्षरता तथा मनोसामाजिक परामर्श कक्षा गंगाजमुना गाँउपालिकामा सम्पन्न

२७ जेठ २०८०
गंगाजमुना गाउँपालिकामा वित्तीय साक्षरता तथा मनोसामाजिक परामर्श कक्षा सम्पन्न भएको छ । गाउँपालिकाको रोजगार प्रवर्द्धन शाखाको आयोजना बैदेशिक रोजगारमा रहेका व्यक्तिहरुका परिवारका लागि संचालन भएको कक्षा सम्पन्न भएको हो ।

रोजगारको सिलसिलामा विभिन्न देशमा पुगेका व्यक्तिका परिवारको आर्थिक व्यवस्थापन एवं वैदेशिक रोजगारका कारण उत्पन्न नकरात्मक असर न्यूनीकरणका लागि गाउँपालिकाका चार वडामा वित्तीय साक्षरता र मनोसामाजिक परामर्श कक्षा सुरु गरिएको हो।

बैदेशिक रोजगारको कारणले उत्पन्न हुने समस्या कम गर्न, बैदेशिक रोजगारीबाट प्राप्त भएको विप्रेषणलाई कसरी सहि सदुपयोग गर्न सकिन्छ ? लघु व्यवसायको परिचय, ऋण व्यवस्थापन, जोखिम बिमा, वित्तिय अनुशासन लगायतका विषयमा छलफल गरिएको वित्तिय साक्षरता सहजकर्ता अमित अधिकारी बताउनुभयो ।

बैदेसिक रोजगारीका क्रममा व्यक्ति तथा पारिवारमा हुने तनाव, पीडा, पारिवारिक विखण्डन, वाल–वच्चामा परेको नकारात्मक असर लगायतको न्यूनीकरणका लागि मनोसामाजिक परामर्शको गरिएको उहाँले बताउनुभयो। गंगाजमुना गाउँपालिकाको वडा नं ३ का २३ जना,४ का ३२ जना, ५ का २१ जना र ६ का २९ जना गरी ४ वटा वडाबाट १०४ जनाकोे सहभागिता रहेको थियो ।

कार्यक्रममा सुरक्षित आप्रवासन सामी परियोजनाका कार्यक्रम संयोजक दिनेश दुवाडी, सामाजिक परिचालन अधिकृत सम्झना भण्डारी र अर्जुन शाहीले सहजिकरण गर्नुभएको थियो ।