धादिङमा चित्रकला प्रतियोगिता सम्पन्न ; न्यु धादिङ बोर्डिङ स्कुल प्रथम

धादिङ २५ ज्येष्ठ
धादिङमा एन प्याब्सनको चित्रकला प्रतियोगिता सम्पन्न भएको छ ।

राष्ट्रिय नीजि तथा आवासीय विद्यालयको छाता संगठन(एन प्याब्सन) धादिङले आयोजना गरेको चित्रकला प्रतियोगितामा न्यु धादिङ बोर्डिङ स्कुल प्रथम भएको छ ।

त्यस्तै धादिङ आवासीय माध्यमिक विद्यालय द्वितीय,नलाङमोडेल एकेडेमी तृतीय,जनकल्याण बोर्डिङ स्कुलले सान्त्वना स्थान प्राप्त गरेको एन प्याब्सन धादिङका अध्यक्ष ईश्वरी प्रसाद पाण्डेले बताउनुभयो ।

कक्षा १ देखि कक्षा ५ सम्मका विद्यार्थीहरु लक्षित प्रतियोगिताको विजेता समूहलाई ट्रफि मेडल र प्रमाण पत्र प्रदान गरिएको अध्यक्ष पाण्डेले बताउनुभयो ।

एन प्याव्सन धादिङका अध्यक्ष ईश्वरी प्रसाद पाण्डेको सभापतित्व नीलकण्ठ नगरपालिका शिक्षा युवा तथा खेलकुद शाखाका प्रमुख नारायण वाग्लेको प्रमुख आतिथ्यतामा सम्पन्न भएको प्रतियोगितामा विभिन्न विद्यालयका १६ विद्यार्थीहरु सहभागी रहेको थियो ।