धादिङको खनियाबास गा.पा सत्यदेवीमा प्रथम अहिंसावादी कप आजबाट सुरु

५ बैशाख
धादिङको खनियाबास गाउँपालिका ५ सत्यदेवी स्थित बच्छलादेवी खेलमैदानमा आजबाट प्रथम अहिंसावादी कप खुल्ला फुटबल प्रतियोगिता सुरु भएको छ । के युवा के बृद्धा सबैका लागि महत्वपूर्ण खेलकुद र शिक्षा, खेल खेलौं स्वास्थ रहौं र मित्रताको भावना कायम गरौं भन्ने नाराका साथ भएको फुटबल प्रतियोगिताको उद्घाटन वडा नम्बर नं. ५ का वडाध्यक्ष रबिन कुमार तामाङले गर्नुभएको थियो । प्रतियोगितामा १८ टिमको सहभागिता रहेको डि.बी गुरुङले बताए । प्रतियोगिता बैशाख १२ गते सम्म चल्ने छ भने विजेता टिमले ५० हजार, उपविजेताले २० हजार र तेस्रो र चौथों हुने २ टिमले ७–७ हजार पाउनेछन् । यस प्रतियोगिताको समापन समारोहमा हुने सास्कृतिक कार्यक्रममा कलाकारहरु विश्व दोङ, राजकिङ वाईवा, मर्नेन तामाङ वाईवा, मोडल डोल्मा मनाङ्थेनको प्रस्तुती रहनेतामनङले जानकारी दिए ।