तामाङ पत्रकार संघ धादिङको कार्यालय उद्घाटन

उपाशना तामाङ
धादिङ २८ भाद्र 
तामाङ पत्रकार संघ धादिङले आफ्नो कार्यालय उद्घाटन गरेको छ । शनिबार नीलकण्ठ नगरपालिका ३ मालेबगरमा एक कार्यक्रमकाबीच कार्यालय उद्घाटन गरेको हो । केही समय अगाडि गठन भएको तामाङ पत्रकार संघ धादिङमा धादिङ जिल्लालाई कार्यक्षेत्र बनाइ विभिन्न सञ्चार माध्यममा आबद्ध पत्रकारहरु रहेका छन् । तामाङ पत्रकार संघ धादिङका अध्यक्ष विमल तामाङले अध्यक्षता गर्नुभएको कार्यालय उद्घाटन कार्यक्रममा मङ्गोल नेशनल अर्गनाइजेशन धादिङका सचिव सागर तामाङको प्रमुख आतिथ्यतामा रहेको थियो ।

कार्यक्रममा फोटो पत्रकार संघ ३ नं प्रदेशका अध्यक्ष नारायण सिलवाल, पाल्दोर हिमालका अध्यक्ष हेम तामाङ लगायत तामाङ पत्रकार संघ धादिङ पदाधिकारी र सदस्यहरुको उपस्थिति रहेको थियो ।