हिलेपोखरी आधारभूत बिद्यालय गंगाजमुना ५ मा १ दिने अभिमुखीकरण कार्यक्रम सम्पन्न

धादिङ १३ फागुन
धादिङको गंगाजमुना गाउपालिका वडा नम्बर ५ को हिलेपोखरी आधारभूत बिद्यालयमा कक्षा १ देखी ८ सम्मको विद्यार्थीहरुलाई विद्यार्थी मुल्यांकन प्रक्रिया सम्बन्धी १ दिने अभिमुखीकरण कार्यक्रम सम्पन्न भएको छ ।

विद्यालय व्यवस्थापन समितिको अध्यक्ष यज्ञ बहादुर भूजेलको अध्यक्षता गंगाजमुना गाउँपालिका वडा नं. ५ का वडा सदस्य ऋषिश्वर अधिकारी,गंगाजमुना गाउँपालिका शिक्षा शाखाका कर्मचारी सुमित चौधरीको विशेष आतिथ्यतामा सम्पन्न भएकोे गंगाजमुनाबाट कृष्ण राना मगरले जानकारी दिनुभयो ।

कार्यक्रममा सहभागीहरुलाई वरिष्ठ प्रशिक्षक नवराज पाठकले सहजीकरण गर्नु भएको मगरले बताउनुभयो । कार्यक्रममा गंगाजमुना गाउँपालिका वडा नम्बर ५ भित्रका ११ वटा त्रिपूरासुन्दरी गाउँपालिकाको १ गरी १२ वटा विद्यालयका प्र.अ तथा प्रतिनिधिहरु गरि २१ जनाको सहभागिता रहेको थियो ।