भिमसेन स्मृति कप भलिबल प्रतियोगिताको उपाधि एड्भान्स एकेडेमीलाई

धादिङ ९ फागुन
नीलकण्ठ माध्यमिक विद्यालयको आयोजनामा भएको भिमसेन स्मृति कप भलिबल प्रतियोगिता मंगलबार सम्पन्न भएको छ ।

नीलकण्ठ माध्यामिक विद्यालयका व्यवस्थापन समितिका अध्यक्ष एवम् बागमती प्रदेश सांसद गोविन्द लम्सालको सभापतित्व नीलकण्ठ नगरपालिकाका मेयर भिम प्रसाद ढुङ्गानाको प्रमुख आतिथ्यतामा सम्पन्न भएको हो ।

उक्त प्रतियोतिताबाट एडभान्स एकेडमी विजय भएका छन । पूर्व जिल्ला बिकास समितिको सभापति, शिक्षा सुधारक, विद्यालय ब्यावस्थापन समितिका अध्यक्ष एवं समाजसेवी भिमसेन कुमार श्रेष्ठको सम्झनामा विद्यालयले श्रेष्ठ पनि भलिबल खेलाडी भएको हुनाले उहाँको सम्मान स्वरुप भलिबल प्रतियोगिता राखिएको विद्यालयका प्रधानध्यपक ध्रुबप्रसाद अधिकारीले बताउनुभयो ।

जसमा एडभान्स एकेडेमी प्रथम, पशुपति माध्यमिक विद्यालय द्धितिय ,आयोजक नीलकण्ठ माध्यमिक विद्यालय तृतिय भएको छ । विजय खेलाडीहरुलाई नगद प्रथमलाई ३० हजार,द्धितियलाई २० , तृतियलाई १३ हजार सहित साथमा ट्रफि मेडल र प्रमाणपत्र प्रदान गरिएको थियो । कार्यक्रममा सहभागी भएका विभिन्न विद्यालयका खेलाडीहरुलाई पनि सहभागीताको प्रमाणपत्र प्रदान गरिएको थियो ।

आइताबारबाट सुरुभएको खेल मंगलबार समापन भएको हो ।