बेनीघाट रोराङ गाउँपालिका धादिङमा विद्यार्थीहरुलाई स्टेशनरी र लत्ताकपडा वितरण

धादिङ ५ फागुन
धादिङको बेनीघाट रोराङ गाउँपालिकामा विद्यार्थीहरुलाई स्टेशनरी र लत्ताकपडा वितरण गरिएको छ ।

बेनीघाट रोराङ गाउपालिका वडा नम्बर २ मासखर्कको पञ्चकन्या आधारभुत विद्यालयका ६० जना चेपाङ विद्यार्थीहरुलाई विहीबार एक कार्यक्रमको आयोजना गरि वितरण गरिएको हो ।
कार्यक्रममा लायन्स क्लब काठमाडौँ युनाटेड सेन्ट्रलका रोशन कक्षपती, राधा श्रेष्ठ, कृष्णदेवी साई, सविना श्रेष्ठ, डा.मनोर शैयद लगाएतले हस्तांतरण गरिएको हो ।

‘आगो तापेर रात कटाँउछन् मासखर्कका चेपाङ’ शिर्षकमा नेपाल समाचारपत्र दैनिकमा समाचार प्रकाशन भएपछि पत्रकार सिताराम अधिकारीको पहलमा सहयोगी महिला जागरण मञ्च काठमाडौँले सहयोग उपलब्ध गराएको हो ।

उक्त विधार्थीहरुलाई स्टेशनरी सामाग्रीहरु कपि, पेन, पेन्सिल तथा लत्ताकपडा वितरण गरिएको  ।