बाँकेको नेपालगञ्जबाट नक्कली नोटसहित तीनजना पक्राउ

फागुन ३ गते बुधबार

प्रहरीले नेपालगञ्ज उपमहानगर–२ स्थित न्यूरोडबाट बाँकेको नेपालगञ्जबाट करिब रु पाँच लाखभन्दा बढी नेपाली नक्कली नोटसहित तीन जनालाई प्रहरीले पक्राउ गरेको छ ।

बाँकेका प्रहरी नायब उपरीक्षक रामप्रसाद घर्तीका जानकारी अनुसार पक्राउ पर्नेमा कोहलपुर नगरपालिका–११ बस्ने ३३ वर्षीय मोहन कुमाइ, अछामको तुर्माखाँद गाउँपालिका–३ बस्ने ३७ वर्षीय दीपक बिसी र सल्यानको वनगाँड कुपेण्डे नगरपालिका–५ का ३० वर्षीय मोहन राना रहेका छन् । उनीहरुको साथबाट प्रहरीले एक हजारका नक्कली नोट पाँच सय ६९ थान बरामद गरेको छ ।

रानाका साथबाट चार सय १८ थान नक्कली नेपाली एक हजारको नोट र कुमाइको साथबाट एक सय ५१ थान नक्कली नेपाली एक हजारको नक्कली नोट बरामद गरिएको छ । नक्कली नेपाली रुपैयाँ बोकेर हिँडिरहेका तीनैजनालाई मङ्गलबार साँझ प्रहरीको विशेष टोलीले पक्राउ गरेको हो ।

अनलाईन साभार