कोरोनाविरुद्धको पहिलोपटक फाइजरको वाई भ्यालेन्ट खोप नेपाल ल्याईदै

धादिङ २९ माघ
कोभिडविरुद्धको खोप अभाव भएर विदेश जानेहरूले खोप लगाउन नपाएका वेला भोलि (सोमवार) नेपालमा कोरोनाविरुद्धको अर्को नयाँ खोप आउने भएको छ।

कोभ्याक्स सुविधामार्फत पहिलोपटकफाइजरको वाई भ्यालेन्ट खोप आउन लागेको हो। स्वास्थ्य सेवा विभाग, व्यवस्थापन महाशाखाअन्तर्गत आपूर्ति शाखाका अनुसार फागुन १ गते ३ लाख ४५ हजार, फागुन ८ र ११ गते पनि सोही परिमाणमा खोप आउनेछ। बाँकी रहेको १ लाख २० हजार खोप १५ फागुनमा आउनेछ ।

आपूर्ति शाखाका प्रमुख डा. सुरेन्द्र चौरसियाका अनुसार फागुन १५ गतेसम्म विभिन्न चरणमा गरी १५ लाख फाइजरको वाई भ्यालेन्ट खोप आइसक्ने र खोप आउनासाथ आवश्यकताका आधारमा प्रदेशहरूमा वितरण गरिने बताउनुभयो ।

नेपालमा हालसम्म कोभिडविरुद्धको मोडर्ना, फाइजर, एस्ट्राजेनिका‚ कोभिसिल्ड‚ भेरोसेल, जन्सन एण्ड जन्सन कम्पनीका खोप प्रयोगमा ल्याइएको थियो। फाइजरको वाई भ्यालेन्ट खोप भने पहिलोपटक नेपालमा आउन लागेको हो ।

तस्बीर – आनलाईन