मुख्यमन्त्री जम्कटेलद्धारा महेन्द्रोदय मा.वि.को सरस्वतीको मुर्ति अनावरण तथा खेलमैदान उद्घाटन

धादिङ २५ माघ
धादिङको त्रिपुरासुन्दरी गाउँपालिका वडा नम्बर ३ मुलपानी पोखरामा रहेको महेन्द्रोदय माध्यमिक विद्यालयको ६५ औं वार्षिकोत्सब तथा अभिभावक भेला सम्पन्न भएको छ ।

वार्षिक उत्सवको अवसरमा सरस्वतीको मुर्ति अनावरण साथै खेलमैदान उद्घाटन गरिएको छ । बागमती प्रदेशका मुख्यमन्त्री शालिकराम जम्कटेलले मुर्ती अनावरण र खेलमैदानको उद्घाटन गर्नुभएको हो ।

कार्यक्रममा विद्यालयका प्रधानाध्यापक कुमार नेपालीले प्रगती प्रतिवेदन प्रस्तुत गर्नुभएको थियो । २०१४ सालमा स्थापित विद्यालय गुणस्तरीय सामुहिक शिक्षा, हाम्रो मौलिकता भन्ने मुल नाराका साथ +२ सम्म पठनपाठन गाराईदै आएको छ ।

विद्यालय व्यवस्थापन समितीका अध्यक्ष देव बहादुर अधिकारीको सभापतित्व रहेको कार्यक्रममा मुख्यमन्त्री जम्कटेलको प्रमुख आतिथ्यता रहेको थियो ।