धादिङको नेत्रावती डब्जोङमा माघ २४ गते राष्ट्रपति रनिङशिल्ड प्रतियोगिता हुने ।

धादिङ माघ १८
धादिङको नेत्रावती डबजोङ गाउँपालिका शिक्षा तथा खेलकुद शाखाको आयोजनामा जिल्ला व्यापी रुपमा चलिरहेको राष्ट्रपति रनिङ शिल्ड प्रतियोगिता यहि माघ २४ गते गर्ने भएको छ ।

भलिबल, एथलेटिक्स, कबड्डी, तेक्वान्दो, कराँते र उसु खेल समाबेसगरि ६ वटा विद्यामा हुने प्रतियोगिता एकै दिनमा सक्ने गरी आयोजना गरिएको आयोजकले जनाएको छ ।
उक्त प्रतियोगितामा सहभागिता जनाउने माध्यामिक विद्यालयहरुलाई माघ २१ गते सम्म खेलाडी विद्यार्थीहरुको नाम दर्ता गराई सक्न गाउँपालिकाको शिक्षा तथा खेलकुद शाखाले पालिका भित्रका विद्यालयहरुलाई पत्रचार गरि सकेको गाउँपालिकाले जनाएको छ ।

माध्यामिक विद्यालयमा अध्ययनरत १८ वर्ष मुनिका विद्यार्थीले भाग लिन पाउने राष्ट्रपति रनिङ शिल्ड प्रतियोगिता चौतारा माध्यमिक विद्यालय प्राङगण सेमजोङमा हुनेछ ।