भोली देखि सिद्धलेक गाउँपालिका स्तरिय राष्ट्रपति रनिङ शिल्ड प्रतियोगिता हुदै

धादिङ १७ माघ
माघ १८ देखि सिद्धलेक गाउँपालिका स्तरिय राष्ट्रपति रनिङ शिल्ड प्रतियोगिता हुने भएको छ ।

सिद्धलेक गाउँपालिकाको आयोजनामा माघ १८ गते बुधबार देखि २० गतेसम्म सिद्धलेक गापा–४ स्थित सलाङघाटमा स्थित जलेश्वरी मा.वि. मा प्रतियोगिता सञ्चालन हुने गाउँपालिकाले जनाएको छ ।

जिल्ला खेलकुद विकास समिति धादिङले माघ मसान्तभित्र राष्ट्रपति रनिङ शिल्ड प्रतियोगिता गरि खेलाडी छनोट गर्न पत्रचार गरेसँगै गाउँपालिकाले माघ १८ देखि २० गतेसम्म रनिङ शिल्ड गर्ने भएको हो ।

१ नीजी र १३ सरकारी गरी १४ वटा माध्यमिक विद्यालय रहेको सिद्धलेकले सबै विद्यालयहरुलाई सहभागि गराउने गरि तयारी गरेको गाउँपालिकाले जनाएको छ ।