म्हेन्दोमाया कलाकार संघ रुबिभ्यालीले माघ १४ गते सोनाम ल्होछार विशेष कार्यक्रम मनाउने

धादिङ ११ माघ
म्हेन्दोमाया कलाकार संघ धादिङको रुबिभ्याली गाउपालिका कार्यसमितिको आयोजनामा संस्कृतिको संरक्षण गरौं, २८५९ औं सोनाम ल्होछार भब्यताका साथ मानाऔ” भन्ने मुल नाराकासाथ मञ्जुश्री संवत २८५९औं तावार ल्हो ९खरायो वर्ष०को अवसरमा शुभकामना आदान–प्रदान तथा वृहत सांस्कृतिक कार्यक्रम सञ्चालन हुने भएको छ ।

यहि माघ १४ गते शनिबार बिहना ठिक ११ बजे काठमाडौंको मनमैजुस्थित श्री मानंसिङ धर्म माध्यमिक विद्यालयको प्राङ्गणमा पुर्व गृहमन्त्री एवं प्रतिनिधिसभा सदस्य बुद्धिमान तामाङको प्रमुख आतिथ्यतामा विभिन्न चर्चित कलाकारहरुको वेजोड प्रस्तुती रहने म्हेन्दोमाया कलाकार संघ धादिङका अध्यक्ष विकल तामाङले बताउनुभयो ।

तामाङ जातिको पहिचान,संस्कृति,संस्कार,भेषभूषा र अस्तित्व झल्किने गरि नयाँ बर्ष९ल्हो फेर्ने दिन० को अवसरमा गत माघ ८ गतेबाट देशकै विभिन्न स्थानहरुमा सोनाम ल्होछार विशेष कार्यक्रम भव्य रुपमा मनाईरहेका छन् ।