धुवाँकोटको माने भञ्ज्याङमा ल्होछार विशेष बृहत सांस्कृतिक कार्यक्रम सम्पन्न

धादिङ ०९ माघ
नीलकण्ठ-१४ धुवाँकोट धादिङको माने भञ्ज्याङ स्थित जनआवाज खेल मैदानमा ल्होछार विशेष बृहत सांस्कृतिक कार्यक्रम सम्पन्न भएको छ ।

लामा रिन्जेन छ्यो डुब्लिङ गुम्बा समिती र जनआवाज युवा क्लवको संयुक्त आयोजनामा सम्पन्न ल्होछार कार्यक्रममा स्थानीय लामा तथा झाँक्री नाँचहरु घोडा नाँच, चेमा नाँच, लाली नाँचको प्रर्दशनी सँगै बृहत सांस्कृतिक कार्यक्रममा भएको थियो ।

कार्यक्रममा चर्चित म्हेन्दोमाया गायिका मिना लामा, सीता लामा, म्हेन्दोमाया क्षेत्रका चर्चित गायक राम गोम्जा, चर्चित मोडल निया तामाङ र देब दोर्जे तामाङ लगायतका कलाकारको प्रस्तुती समेत रहेको थियो ।

कार्यक्रम संयोजक डम्बर तामाङको सभापतित्व रहेको कार्यक्रममा समाजसेवी नेकपा माओवादि केन्द्र धादिङका पुर्व जनसरकार बुद्धिलाल तामाङको प्रमुख आतिथ्यता रहेको थियो भने नीलकण्ठ नगरपालिका १४ धुँवाकोटका वडा अध्यक्ष नमराज दुवाडी, प्रकाश अधिकारी, नीलकण्ठ न.पा. १ का वडा अध्यक्ष गणेश गुरुङको विशेष आतिथ्यता रहेको थियो ।