नेत्रावती-४ भोग्टेनीमा सोनाम ल्होछार विशेष बृहत सांस्कृतिक कार्यक्रम सम्पन्न

धादिङ ०८ माघ
नेत्रावती डबजोङ गाउँपालिका ४ भोग्टेनीमा सोनाम ल्होछार विशेष बृहत सांस्कृतिक कार्यक्रम सम्पन्न भएको छ ।

शनिबार चेन्टेगंग टाचे सेरप छह्योइलिङ गुम्बा र भोग्टेनी युवा समाजको आयोजनामा बृहत सांस्कृतिक कार्यक्रम सम्पन्न भएको हो ।

चेन्टेगंग टाचे सेरप छह्योइलिङ गुम्बाका अध्यक्ष तारा बिर तामाङको अध्यक्षता रहेको कार्यक्रममा वागमती प्रदेश सांसद डम्बर तामाङको प्रमुख आतिथ्यता रहेको थियो ।

ल्होछारको शुभकामना व्यक्त गर्दै प्रदेश सांसद डम्बर तामाङले तामाङ संस्कृति, भेषभुषा, परम्परा, पहिरनको संरक्षण गर्नुपर्ने बताउनुभयो । उहाँले नेत्रावतीको विकासको लागि स्थानीय तह संग समन्वय गरेर अगाडि बढ्न सदैव तत्पर रहेको बताउनुभयो ।

कार्यक्रममा स्थानीय लामा तथा झाँक्री नाँच प्रर्दशनी गरिएको थियो भने स्थानीय कलाकारहरुको सांस्कृतिक प्रस्तुती प्रस्तुत गरेका थिए ।