सुनगाभा एकेडेमी धादिङमा तीज विशेष कार्यक्रम सम्पन्न

कपिल जम्कट्टेल
धादिङ १३ भाद्र
धादिङ जिल्लाको संस्थागत विद्यालयतर्फको सबैभन्दा पुरानो विद्यालय सुनगाभा एकेडेमीले शुक्रबार तीज विशेष कार्यक्रम सम्पन्न गरेको छ । हिन्दु नारीहरुको महान् चाड हरितालिका तीजको अवसरमा नृत्य प्रतियोगिताका साथै नाटक समेत प्रर्दशन गरेको हो । विद्यालयका प्रधानाध्यापक वद्रि लम्सालको सभापतित्वमा आयोजित कार्यक्रममा विद्यालयका निर्देशक रामहरि अधिकारीको प्रमुख आतिथ्यता रहेको थियो ।

कार्यक्रममा कक्षा १ देखि कक्षा ९ सम्मका विद्यार्थीहरुले समूहमा नृत्य प्रस्तुत गरेका थिए । प्रतियोगितामा कक्षा ९ का विद्यार्थीहरुको समूह प्रथम, कक्षा ८ का विद्यार्थीहरुको समूह द्धितीय र कक्षा ५ का विद्यार्थीहरुको समूह तृतीय भएका थिए । विजयी विद्यार्थीहरुलाई मेडलद्धारा पुरस्कृत गरिएको हो । यस्तै कार्यक्रमकै अवसर पारी वर्ष २०७५ मा भएका सम्पूर्ण अतिरिक्त क्रियाकलापहरुका विजेता विद्यार्थीहरुलाई पुरस्कृत गरिएको हो ।