शिङगला देवी मा.वि.झार्लाङ धादिङमा प्रावि स्तरीय म्युजिकल चियर प्रतियोगिता सम्पन्न

धादिङ १३ भाद्र
उत्तरी धादिङको खनियाबास १ झार्लाङमा रहेको श्री शिङगला देवी मा.वि.मा प्रावि स्तरीय म्युजिकल चियर प्रतियोगिता सम्पन्न भएको छ । विद्यालयमा गठित सिर्जनशील बाल क्लबका अध्यक्ष अर्बिन तामाङको अध्यक्षतामा भएको कार्यक्रममा कक्षा १ देखि ५ सम्मका २६ जना विद्यार्थीहरुको सहभागिता रहेको थियो ।

प्रतियोगितामा कक्षा २/३ तर्फ सुरेश तामाङ प्रथम, अर्पन तामाङ द्धितीय, सरिता बि.क. तृतीय भइन भने कक्षा ४/५ तर्फ प्रबिन तामाङ प्रथम, मनकुमारी तामाङ द्धितीय, सुनिता तामाङ तृतीय भएका हुन् । विजयी विद्यार्थीहरुलाई विद्यालयका प्रधानाध्यापक बिमल लामा लोप्चनले शैक्षिक सामग्रीबाट पुरस्कृत गरेको विद्यालयका शिक्षक सन्दिप स्याम्चेनले बताउनु भयो ।